《😋海鮮迷不能錯過的高質BUFFET》
#為何總是肚餓 #高汁餐廳
見Jasmine早訓左無咩好做唯有睇返前排食BUFFET D相望梅止渴😛前排疫情回落既時候Jasmine爸爸提議食餐好既就試下MoMo Café既7月新主題✨盛夏海鮮薈萃自助晚餐✨
Jasmine爸爸好鐘意海鮮😋每晚都會供應12款海鮮🦀🦞🦐真係岩曬佢，包括:波士頓龍蝦、琵琶蝦、加菲蟹、法國羔蟹、鱈場蟹腳、帆立貝、瀨尿蝦、藍青口、熟蝦、蜆、黃金螺及東風螺。種類真係好多呀～👍🏻而且款款都好新鮮同有鮮味，我一向對海鮮唔算特別鐘意都食左好多，特別係鱈場蟹腳，好多蟹肉又唔會好咸～仲有唔少得有日本室津刺生級生蠔，成隻手掌咁大! 😍每人2隻貴精不貴多！咬落口啖啖肉，真係好肥美
食Buffet唔少得有刺身啦🤩大熱既三文魚、希靈魚、醋青魚、八爪魚，仲有鯛魚、魷魚仔。刺身啖啖鮮甜，加上每次都由師傅夾俾你，可以保持到刺身新鮮之餘仲好衛生呀！
食到咁上下加上年紀唔細🤣唔可以食太多生冷野，要食返熱盤先～每次總係最留肚係冷盤位，但今次熱盤真係好多好多款式呀🤭唔食唔得！ 🍴
今日既精選烤肉有烤西冷扒、鹽焗三文魚，西冷真係必試，好重牛香味，烤到岩岩好食落唔嚡口，真係好好食！另外令我好驚喜既係羊架，平時好小食羊架既我，竟然食完一啖已經想食多件！一D都唔會好羶同埋唔會韌，配上小小既醬汁味道真係好好！
另外誠意推薦既係足料燉湯👍🏻蔘鬚紅棗圓肉燉赤肉，每啖飲落都係濃厚既蔘鬚既甘，配上肉味同埋紅棗圓肉，令到燉湯味道好甘甘甜甜，好易入口亦都好養生！
食食下突然聽到打鼓聲同好多人排隊，原來每晚7點都會有大廚現場烹調，今次款式係西瓜黑白雜果凉粉😍原個西瓜裝起凉粉賣相同愛玉，配合埋西瓜既爽甜，係一款好消暑既中式甜品呢！😋
講起甜品唔小得雪糕啦，有多款Mövenpick口味既雪糕同埋誠意滿滿既自家製雪條，血橙、石榴、蜜瓜同無花果，食落好有果肉味道～而且仲有好多特色甜品，好似外脆內軟既肉鬆雞蛋仔，食落鹹鹹地配埋香滑又甜既雪糕，真係無得輸！
📍傳送門：
#盛夏海鮮薈萃自助晚餐
📆日期: 2020年7月1日至9月30日逢星期一至日及公眾假期供應
🕰時間: 晚上6時至10時
📍地點: MoMo Café
💰價目: 星期一至四 成人每位港幣$488 小童每位港幣$268；星期五至日、公眾假期及其前夕 成人每位港幣$580 小童每位港幣$320
MoMo Café
📍地址: 香港新界沙田安平街1號香港沙田萬怡酒店2樓 (港鐵石門站C出口)
☎️訂座: 852.3940.8788 或 bit.ly/2XA8KT0
Courtyard by Marriott Hong Kong Sha Tin
#沙田萬怡酒店 #momocafe
#自助餐 #自助晚餐 #海鮮 #海鮮自助餐 #石門美食 #生蠔 #好食
Search